Реалити шоугаар Америкт төдийгүй дэлхийд алдаршсан гэр бүл болох
Кардашианыхан дахин нэг сагсчин хүргэнтэй болж байгаа ажээ. “People”
сэтгүүлийн мэдээлснээр зургаан сар гаруй хугацаанд болзож байгаа
“Нью-Жерси Нэтс” багийн довтлогч Крис Хамприс, Ким Кардашиан нар сүй
тавьсан гэнэ. Кимийн эгч Клое Кардашиан 2009 онд “Лос-Анжелес Лейкерс”
багийн довтлогч Ламар Одомтой гэрлэсэн билээ.

“People” сэтгүүлд
Ким Кардашиан гэрлэх саналыг хүлээн авсандаа бага зэргийн шоконд орсон
гэдгээ хэлжээ. Хамприс өвдөглөж суугаад “Надтай гэрлээч” гэж хэлээд
сарнай цэцгийн баглаа өргөн барьсан гэнэ. Өдгөө 26 настай Хамприс
өөрөөсөө эгчмэд дурлалт бүсгүйдээ Лоррейн Шварцын 20,5 каратын алмас
эрдэнийн шигтгээтэй бөгж бэлэглэжээ.

Кардашианы гэр бүл “Keeping
Up With the Kardashians” реалити шоугаар алдаршиж байсан бол удалгүй
“Khloe and Lamar” гэсэн шоуг дахин гаргасан. Харин дараагийнх нь
Хамприс, Ким нар байхыг үгүйсгэхийн аргагүй. 

Кардашиан нь
Америкт нэр алдраараа тийм ч сайн нэгэн биш бөгөөд наргиан цэнгээнд
дуртай,  хувийн бичлэг нь интернэтээр цацагдаж шуугиан тарьж байсан
удаатай.