“Улаанбаатар-2011” нэртэй үсчин, гоо засалчдын шилдгийг шалгаруулах уралдаан энэ сарын 31-нд болно. Мэргэжлийн үсчин, гоо заслын үйлчилгээг олон улсын жишигт нийцүүлэх хөгжүүлэх зорилготой тус тэмцээн гоо сайхны ертөнцөөр хүмүүсийг аялуулдагаараа онцлог. Тэдний өрсөлдөх чадварыг дээшлүүлэх, үсний тайралт, самналт, нүүр будалт, хумс засалтын орчин үеийн шинэ дэвшилтэт технологийг харуулах, харилцан суралцах  тэмцээний бас нэг онцлог. “Буянт-Ухаа” биеийн тамир спорт цолгцолборт 31-нд та зочилсноор маникюрын гайхамшгийг мэдэрч, үс засалтын сонин содноос түүж авна.

Түрүүлсэн хүмүүс дэлхийн аварга шалгаруулах уралдаанд оролцох эрх авна.

ХХААХҮЯ, Улаанбаатар хотын Захирагчийн ажлын алба, Монголын үсчин, гоо засалчдын холбоо, Монголын үсчин, гоо засалчдын мэргэжлийн холбоо хамтран зохион байгуулж байгаа уралдааны үеэр дараах үйл ажиллагаа болох юм байна.

• Оролцогчдод зориулсан техникийн сургалт, семинар,
• Шүүгчдэд зориулсан техникийн сургалт, семинар
• Эрэгтэй үс засалт,
• Эмэгтэй үс засалт,
• Үс, гоо заслын загварын 2011 оны чиг хандлага /Trend Vision/, мастерүүдийн шоу үзүүлбэр,
• Гадаад улсаас болон аймаг, орон нутгаас оролцогчдын шоу үзүүлбэр,
• Үс, гоо заслын бүтээгдэхүүний үзэсгэлэн, яармаг,
• Шагнал гардуулах ёслолын ажиллагаа.