Египетийн прокурор энэ улсын ерөнхийлөгч асан
Хосни Мубарак ба түүний хөвгүүдэд нь аллага зохион байгуулсан гэсэн ял тулгахаар шийдээд байна. Энэ
тухай Agence France-Presse өөрийн эх сурвалжид тулгуурлан бичжээ.

Тухайлбал тэднийг гал зэвсэг хэрэглэн хүчний
ажиллагааг босогчдын эсрэг явуулахыг  зөвшөөрсөн гэж
сэжиглэж байна. Тэр үеэр хэдэн зуун жагсагч алагдсан юм. Үүний зэрэгцээ хуучин
ерөнхийлөгч болон тэдний гэр бүлийн эсрэг албан тушаалаа урвуулан ашигласан, авлига авсан  гэх хэргээр мөрдөн
байцаалтыг эхлүүлээд байгаа юм.

Египетийн шинэ засаг өмнө нь
хуучин ерөнхийлөгч түүний хамаатнууд өршөөгдөхгүй, хийсэн хэргийнхээ бүрэн хариуцлагыг хүлээх ёстой гэж мэдэгдэж байв. Хосни Мубарак хөвгүүдийнхээ
хамт дөрөвдүгээр сарын 13-наас хойш хоригдоод байна. Ерөнхийлөгч
асны эхнэр Сюзанна түүнээс сарын дараа баривчлагдаад дараа нь барьцаагаар
суллагджээ.     

Ш.МЯГМАР