Японы автомашин үйлдвэрлэгч “Mazda” компани Япон болон Хятадын зах зээлээс 90 мянган автомашин эргүүлэн татахаар болжээ. Тэдгээрийн 35 мянга орчим нь Axela маркийн суудлын тэрэг бөгөөд зөвхөн Японы зах зээлд хамаарах бол үлдсэн 55 мянга нь Хятадын хэмжээнд Mazda 3 нэрээр гарсан ижил загварын автомашин гэнэ.
“Mazda” мөн өнгөрсөн сард 12300 нэгж CX-9 маркийн автомашинаа эргүүлэн татсан юм. Ер нь энэ жил олон авто үйлдвэрлэгчид бүтээгдэхүүнээ буцаан татаж байгаа ба “Toyota Motor” компани хамгийн их буюу нийт найман сая гаруй автомашин эргүүлэн татсан билээ.

С.Цэлмэг