Автомашин үйлдвэрлэгч “Volvo” компанийнхан цахилгаан машин хэрэглэгчдэд зориулан нэгэн шинэ технологи зохион бүтээжээ. Жолооч нар цахилгаан болон хос хөдөлгүүрт машинаа цэнэглэхийн тулд заавал ямар нэгэн цахилгаан утас, хоолой залгах хэрэгтэй болдог. Тэгвэл тус компанийнхны бүтээсэн “wireless” цэнэглэгч нь ямар нэгэн утас, хоолой ашиглахгүйгээр цэнэглэдэг байна.

Өөрөөр хэлбэл, автомашиныг цэнэг лэх хавтангуудыг зам дээр байрлуулах аж. Ингээд цахилгаан үүсгэгч соронзон орны тусламжтайгаар автомашинуудыг утасгүйгээр цэнэглэх юм байна. Үүний тулд машинууд цэнэглэх хавтан байрлуулсан замаар явах хэрэгтэй. Нэг машиныг дүүртэл цэнэглэхэд ойролцоогоор нэг цаг 20 минут болохоор тооцоолжээ. Харин хавтангуудыг аль зам дээр хэрхэн байр луулахаа тус компанийнхан удахгүй мэдээлэх гэнэ.

Энэ нь цахилгаан машиныг утасгүйгээр цэнэглэдэг анхны бүтээгдэхүүнээр бүртгэгдэж байна.