Төрийн ордонд болж буй Мэдээлэл, харилцаа холбооны ажилтны улсын зөвлөлгөөний үеэр маркны үзэсгэлэн гаргалаа. Үзэсгэлэнд 1960-аад оноос хойшхи маркуудыг дэлгэн үзүүлсэн юм. Амьтан, ардын урлаг, наадам, сансрын нислэг, хүүхэд, бурхад, түүхийн өв зэрэг сэдвээр маркуудыг ангилан дэлгэснийг хүмүүс сонирхон үзэж байв.

Хүүхэд ахуйдаа цуглуулж байсан танил маркууд нь үзэсгэлэнд дэлгэгдсэнийг УИХ-ын гишүүд, Төрийн ордонд ажиллагчид ихэд сонирхож байв. Монгол марк өнгөрсөн 50 жилд хэрхэн хөгжсөнийг үзэсгэлэнгээс харж болохоор байв.