Европын сэргээн босголт хөгжлийн банкны ээлжит чуулган Казакстаны Астана хотод энэ сарын 20, 21-ний өдрүүдэд болж, Монголбанкны ерөнхийлөгч Л.Пүрэвдорж оролцохоор эх орноосоо мордсон билээ. Чуулга уулзалтад эх орноо төлөөлж оролцсон банкир өнгөрсөн даваа гаригт иржээ. Түүний айлчлалын талаарх мэдээллийг маргааш болох хэвлэлийн бага хурлын үеэр мэдээлэх юм байна. Сар бүр зохион байгуулдаг хэвлэлийн бага хурал зөвхөн Ерөнхийлөгч Л.Пүрэвдоржийн айлчлалын мэдээллээр зогсохгүй. Өнгөрсөн сарын Монгол орны эдийн засгийн байдлыг танилцуулж, сэтгүүлчдийн хүссэн асуултад дэлгэрэнгүй хариулт өгөх юм.