Исландын Гримсвотн галт уулын дэлбэрэлтийн үнс, тоосон үүл энэ мягмар гариг гэхэд Шотланд, Умарт Ирландад орж ирлээ. Агаарын нислэгийн аюулгүй байдлыг хангах Европын агентлагийн мэдээгээр (European Organisation for the Safety of Air Navigation) 24-ний өдөр 252 нислэгийг хойшлуулаад байна.

Irish Weather Online мэдээлснээр түр хугацаанд нислэг ба онгоц хүлээн авахыг Ирландын Ryanair ба Aer Lingus компаниуд Шотландын Глазго, Эдинбург ба Абердин, Ирландын Дублин, Корк ба Шэннон хотуудын нисэх буудлуудад хориглосон байна.

Шотландын Loganair нисэхийн компани 36 нислэгээ зогсоожээ. Лондон, Шотланд хоёрын хооронд нислэгээ түр зогсоосон тухай British Airways,  Нидерландын KLM зэрэг компаниуд зарлажээ.  Гэсэн ч агаарын орон зайгаа бүрэн хаахгүй гэдгээ Их Британийн Засгийн газрын төлөөлөгч, Ирландын нисэхийн хяналтын алба (Irish Aviation Authority) мэдэгдсэн юм. Атлантын далайг алгасан нисэх нислэгийн хуваарьт өөрчлөлт ороогүй гэнэ.  Одоогоор бүх хоригууд Британийн хойд нутгуудад хийх нислэгийг хамаарч байгаа ажээ.