Та бүхэндээ Мэдээлэл, харилцаа холбоо шуудангийн салбар үүсч хөгжсөний 90 жилийн ойн мэндийг хүргэе.

Энэхүү ойн хүрээнд өнөөдөр Төрийн ордонд Мэдээлэл, Харилцаа, Холбооны Улсын зөвлөлгөөн болж байгаа ба Ерөнхий сайд С.Батболд нээлтийн үгэндээ Facebook, Twitter-ийг өдөр тутмын ажил хэрэгтээ хэрэглэдэг тухайгаа дурьджээ. Энэ нь Монголчууд олон нийтийн сүлжээг хэр их хэрэглэж буйгийн илрэл байх аа.

Мэдээллийн www.news.mn сайт ч мөн олон нийтийн сүлжээ сайтуудад өөрийн хуудсаа нээн, уншигчидтайгаа хөл нийлэн алхаж байна.

Манай сайтын FACEBOOK хуудсыг цаг үеийн мэдээ мэдээллийг шуурхай авах хүсэлтэй олон хүмүүс like хийсний дотор Ерөнхий сайд, УИХ-ын гишүүд болон олны танил хамтлаг, дуучид, спортын одод олноороо багтжээ. Бид Facebook хуудсандаа цөөн тооны чанартай, шуурхай, цаг үеийн мэдээ мэдээллийг онцлон нийтэлж байгаа ба олон фейсбүүкчид бидний нийтэлсэн мэдээ мэдээлэлтэй холбоотой санал сэтгэгдлээ солилцож, сайтын үйл ажиллагаатай холбоотой санал асуулгад идэвхитэй оролцсоор байна.

Харин www.news.mn сайтын TWITTER хуудас одоогоор 370 дагагчтай болоод байгаа ба шинэ соргог шуурхай мэдээллээ бидэнтэй хуваалцдаг олон жиргээчиддээ энэ дашрамд талархал илэрхийлье. Хэрвээ та бүхэн бидний эгнээнд нэгдэж амжаагүй бол яг одоо News.mn сайтын FACEBOOK, TWITTER хуудсаар зочилж, биднийг дагаарай.