АНУ-ын Миссури мужийн Жоплин хотыг өнгөрсөн ням гаригт дайрч өнгөрсөн хар салхины уршгаар 120 гаруй хүн амиа алдаж, мужид их хэмжээний хохирол учирсан. Харин хар салхи мягмар гаригт Оклахама мужийн ойролцоо дахин дэгдэж, багаар бодоход таван хүний амь нас эрсдэж, олон арван хүн гэмтэж бэртсэн байна.

Уг хар салхи Оклахамагийн баруун болон өмнөд хэсгээр шуурч, Канадын нутаг дэвсгэрийг дайран өнгөрөхдөө хоёр хүний аминд хүрчээ. Мэргэжилтнүүдийн тооцоолсноор мягмар гаригт дэгдсэн торнадо салхи 234 км цагийн хурдтай байсан ба хуй салхи салхилахын өмнөхөн холбогдох засаг захиргааны нэгжүүд иргэдээ яаралтай хоргодох байранд орохыг анхааруулж амжжээ.