Өнгөрсөн сарын 30-нд эхлүүлсэн МУИС-ийн өмнөх замын засварын ажлын төлөвлөгөө ёсоор даваа гаригт /V.23/ нээгдэх байсан ч өнөөдрийг хүртэл хойшлуулсан юм.  Гэхдээ одоогоор уг замыг нээгээгүй байгаа тул зорчигч та бүхэн энэ хэсгийн замыг сонгохоос татгалзаарай. Учир нь нийслэлд өчигдөр үдээс хойш бороо орсон тул засвар хийсэн замд тэмдэг тэмдэглэгээ хийх боломжгүй байдалд хүрсэн тул зам нээх хугацааг дахин сунгажээ.

Авто замын газраас авсан мэдээллээр бол өнөөдөр үдээс хойш бороо орох нь гайгүй бол тэмдэг тэмдэглэгээг хийж дуусгах аж. Хэрэв дахин бороо орвол ирэх амралтын өдөр хүртэл МУИС-ийн өмнөх зам нээгдэхгүй бололтой.