Улсын дуурь бүжгийн эрдмийн театрын дэргэдэх поп опера урсгалаар уран бүтээлээ туурвидаг “Нюанс” хамтлагийн дуучин М.Амарсанаа эмнэлэгт хэвтжээ. Тэрбээр тоглолтын бэлтгэлд орохоосоо өмнө ядаргаагаа тайлж, хэсэгхэн хугацаанд ч болов амраад авахыг хүссэн бололтой. “Нюанс” хамтлагийнхан ирэх аравдугаар сарын 24-26-нд Соёлын төв өргөөнд 10 жилийнхээ ойг тэмдэглэж, нүсэр тоглолт хийхээр төлөвлөөд байгаа юм. Хугацаа багагүй байгаа ч хамтлагийн гишүүд сонсогч, фенүүддээ төгс тоглолтоор бэлэг барихаар зэхэж, тоглолтынхоо бэлтгэлийг эртнээс хийхийг зорьж буй гэнэ.