Өсвөр насны хүүхэд залуусыг бүрэн утгаар нь байлдан дагуулж яваа хос Жастин Бибер, Селена Гомез нар байнгын цаг завгүй ажлын хуваариасаа хэсэг зуур татгалзаж, өнгөрсөн даваа гаригт Хавай арлыг зорьжээ. Хайрын бяцхан шувуухайнууд гар гараасаа хөтлөлцөн нисэх буудлын терминал руу явж орсон нь зарим нэгэнд нь залуу насных нь зүггүй дурлалыг санагдуулж байсан бол үлдсэн хэсэг хүмүүсийн атаархал, хор шарыг төрүүлжээ.

Хавайн арлын амралтын бааз дээр дөнгөж ирээд бяцхан хит дуучин цамцаа тайлж, найз охинтойгоо эрх дураар нарлан суусан нь байнгын чөлөө завгүй хоёр уран бүтээлчдийн хувьд маш сайхан амралт болжээ. Хосууд Хавайн арлыг зорихоос өмнө ням гаригийн үдэш Лас Вегаст болсон Billboard хөгжмийн шагнал гардуулах ёслолд оролцсон бөгөөд уг ёслолын үеэр Жастин шилдэг шинэ уран бүтээлчийн номинацид нэр дэвшиж, шагнал хүртсэн юм.