Монголын Үндэсний сагсан бөмбөгийн холбооноос(МҮСБХ) зохион байгуулж буй “Үндэсний супер лиг” 2014-2015 оны шинэ улирлын тоглолтууд Спортын төв ордонд болж байна. Өнөөдөр (11.26) 18.00 цагаас “Хан талстын ирвэсүүд”-“Хасумегаватт Чингис сити” багуудын тоглолтоор эхний тоглолт эхлэх юм. Харин удаах тоглолт Дорноговь аймгийн "Интерстандарт нефть" компанийн "Валволин бүргэдүүд"-“Баянгол Сентоза арслангууд” багуудын хооронд болно.

Өнгөрөгч даваа гаригт буюу арваннэгдүгээр сарын 24-ний өдрийн тоглолтод Төв аймгийн "Төв ургац", Хэнтий аймгийн "Чингис сити" багууд хожил авчээ. Ингээд өнгөрч өдрүүдийн тоглолтын дүнг танилцуулья.

11.24 (Даваа)

“ТӨВ УРГАЦ” vs “МАДИМОС ШОНХОР” 113:99

ХЭНТИЙ АЙМГИЙН “ЧИНГИС СИТИ” vs “VALVOLINE БҮРГЭДҮҮД” 107:95

11.21 (Баасан)

"ТӨВ УРГАЦ"  VS "ГЭГЭЭН ХАНГАЙ ЛИДЕР" – 99:94

"МАДИМОС ШОНХОРУУД" VS "ХАН ТАЛСТ ИРВЭСҮҮД" – 104:89

11.19 (2014-2015 оны улирлын нээлтийн өдөр)

БАЯНГОЛ ДҮҮРГИЙН "ШОНХОРУУД" – ГОВЬ-АЛТАЙ АЙМГИЙН "МОНТОРХ АРСЛАНГУУД" 111-97

ӨВӨРХАНГАЙ АЙМГИЙН “ГЭГЭЭНХАНГАЙ ЛИДЕР”-БАЯНЗҮРХ ДҮҮРГИЙН “ХАНТАЛСТЫН ИРВЭСҮҮД” 100-97 (нэмэлт цагт ялагч тодорчээ.) зэрэг тоглолтууд болжээ.

Одоогоор “Төв ургац”, “Мадимос шонхорууд” багууд хоёр хожил аваад байгаа бол “Чингис сити”, “Гэгээнхангай лидер” багууд нэг хожилтой эхний тойргийг үргэлжлүүлж байна.

Ч.БОЛОР