Амьд хөгжим сонирхогч залуусын дуртай “Playtime-2011” наадмын бүртгэл маргааш эхэлнэ. Тус наадамд оролцох хүсэлтэй хамтлаг, дуучид, худалдаа, үйлчилгээ явуулах сонирхолтой хүмүүсийг маргаашаас эхлэн ирэх сарын 10-ныг хүртэл бүртгэх юм. Бүртгүүлэхдээ хамтлаг, дуучид нэг хувь цээж зурагтайгаа очих ёстой гэнэ. Бүртгэл Улсын Их дэлгүүрийн зүүн урд байрлах “Хай-Фай Рекордс”-ын оффисын байранд, ажлын өдрийн 10.00-18.00 цагийн хооронд үргэлжилнэ.

Наадамд оролцох хамтлаг, дуучдад дараах шаардлагыг тавьж байна.
Үүнд:  
– Амьдаар тоглодог
– Өөрсдийн гэсэн таваас доошгүй уран бүтээлтэй
– Бэлтгэл сайтай, тоглолтын ур чадвар өндөртэй
– Урсгал харгалзахгүй

– Бүртгүүлэхдээ гишүүдийн нэг хувь зураг авчирах, анкет бөглөх хэрэгтэй гэнэ.