Налайх дүүрэгт нэгнийгээ зургаан удаа буудаж хөнөөсөн хэрэг өнгөрсөн оны аравдугаар сарын 17-18-нд шилжих шөнө гарсан билээ. Талийгаач М.Эрхэмбаярыг түүний танил А.Мэндбаяр гэгч буудаж хөнөөсөн нь мөрдөн байцаалтын явцад тогтоогдсон юм. Харин А.Мэндбаярт холбогдох хэргийг өнөөдөр Дээд шүүхийн танхимд хэлэлцэх байсан ч хурал ирэх сарын 3-ны өдөр хүртэл хойшилжээ. Учир нь хохирогчийн нэг өмгөөлөгч хуралд давхацсан гэсэн шалтгаанаар шүүх хуралд ирээгүй бол нөгөө өмгөөлөгч нь хүүхдээ гадаадад эмчлүүлж байгаа ажээ.

Т.ДАРХАН