Азийн шилдэг их, дээд сургуулиудыг жил бүр шалгаруулдаг мэргэжилтнүүдийн баг 2011 оны ээлжит судалгаагаа явуулж, эцсийн байдлаар судалгааны дүнг танилцуулжээ. Жагсаалтын эхний таван байрт Хонгконг, Япон, Сингапурын их сургуулиуд шалгарсан байна.

Хонгконгийн шинжлэх ухаан, технологийн их сургууль жагсаалтын тэргүүнд бичигдсэн бол удаахь байрт Хонгконгийн их сургууль, Сингапурын үндэсний их сургууль, Токиогийн их сургууль, Хонгконг дахь Хятадын их сургууль орсон байна. Сүүлийн үед Хонгконгийн шинжлэх ухаан, технологийн их сургууль судалгаа шинжилгээний ажил, боловсролын цаашдын хандлагад эрчимтэй анхаарч байгаа нь Азийн их сургуулиудын жагсаалтыг тэргүүлэх гол хүчин зүйл болжээ.