Монгол Улсын гавьяат дасгалжуулагч З.Дүвчингээр ахлуулсан чөлөөт бөхийн эмэгтэй баг тамирчид ОХУ, Буриадын Биеийн тамир, спортын сайд В.И. Бумбошкины урилгаар Улаан-Үдийг зорьсон билээ. Манай тамирчид тус улсын бүсгүйчүүдтэй хамтарсан бэлтгэл хийхийн хажуугаар ОХУ-ын эмэгтэйчүүдийн улсын аварга шалгаруулах тэмцээнд оролцох юм. Багийн бүрэлдэхүүнд  48 кг-ын жинд олон улсын хэмжээний мастер Э.Нарангэрэл, 51 кг-д спортын мастер Э.Даваачимэг, 55 кг-д олон улсын хэмжээний мастер Б.Номин-Эрдэнэ, С.Бямбацэрэн, 63 кг-д дэлхийн аварга, гавьяат тамирчин С.Батцэцэг, 72 кг-д дэлхийн аваргын мөнгөн медальт, гавьяат тамирчин О.Бурмаа, Гуанжоугийн Азийн наадмын аварга, олон улсын хэмжээний мастер Г.Наранчимэг нар багтжээ.

Мөн эрэгтэйчүүдийн хөнгөн жингийн бөхчүүд ОХУ-д хамтарсан бэлтгэл хийхээр энэ долоо хоногт Саха Якутыг зорих гэж байна. Манай шилдэг бөхчүүдийг Улаан-Үдэд хамтарсан бэлтгэл хийж байгаад тэндхийн тамирчид баяртай байгаагаа илэрхийлсэн байна. Ялангуяа гавьяат тамирчин О.Бурмааг нэлээд онцолжээ. Учир нь, оросуудын хувьд түүний нэрийг дуудахад хамгийн амархан байсан аж.