“Хайрын эзэн”, “Энэ хайр байж”, “Цаснаар” зэрэг олон уран бүтээлээр нь “Мөнхийн реп” хамтлагийнханыг залуус маань андахгүй биз ээ. Таван жилийн туршид уран бүтээлээ сонсогч фэнүүддээ хүргэлгүй хүлээлгэсэн тус хамтлагийнхан нэгэн шинэ клипээрээ фэнүүдтэйгээ уулзлаа.

“Мөнхийн реп” хамтлагийн фэнүүдийн хувьд тэднийг цоо шинэ уран бүтээлээрээ эргэн уулзах болов уу гэсэн хүлээлт байсан нь дамжиггүй. Тэгвэл тэд 20 жилийн өмнө олны хүртээл болж байсан дуучин Т.Бат-Оргилын “Мөнхийн ус” уран бүтээлийг коверлон хүргэсэн юм.

Мэдээж уран бүтээлчдийн хувьд эргээд урлагийн ертөнцдөө хөл тавихад хүндхэн байсан нь тэдний сонгосон ковер дуу баталлаа. Сонсогч фэнүүдийнх нь хувьд ч сэтгэл дундуур байгаа нь ойлгомжтой болов уу.

Дашрамд сонирхуулахад “Мөнхийн ус” уран бүтээлийг 20 жилийн өмнө Т.Бат-Оргил дуулж олны хүртээл болгосон бол сүүлд дуучин Тэнүүн коверлон хүргэснийг манай сонсогчид мэднэ. Тэгвэл “Мөнхийн ус” бүтээл нь өөрийн гэсэн хип хоп ковертой болсон нь энэ.

Э.ТЭКҮ