Манай оронд гамшгаас хэрхэн ард иргэдээ хамгаалах талаар нэгдсэн ойлголт маш бага байдаг нь Олон Улсад тохиосон байгалийн гамшгуудийн үеэр харагдаж байсан ч ийнхүү ХасБанк болон ТэнГэр Санхүүгийн Нэгдэл нь нийгмийн хариуцлагаа ухамсарлан,  хуулинд заасан үүргийнхээ дагуу гамшгийн онцгой байдлын үед иргэд, ажиллагсадын аюулгүй байдлыг хангах сургалт зөвлөгөөг амжилттай хэрэгжүүллээ.

Сургалтын үеэр ТэнГэр Санхүүгийн Нэгдэл болон ХасБанкны бие бүрэлдэхүүн 7 баллын газар хөдлөлтийн улмаас үүссэн гал, цахилагаан дулааны сүлжээний гэмтэлтэй холбоотой аюул нүүрлэсэн тохиолдолд хэрхэн ажиллахыг нийт ажиллагсдад таниулахын зэрэгцээ, Банкны харилцагчдын аюулгүй байдал, эд хөрөнгийг хамгаалах арга зааварчилгааг өгсөн юм.

Үүний дээр ХасБанк нь гамшгийн үед мэдээллийн сүлжээ гэмтэж, ажиллагаагүй болсон тохиолдолд үйл ажиллагааг сэргээх, улмаар хэвийн байдалд оруулах чадамж бүхий үндсэн мэдээллийн системийн нөөц төвтэй байдаг болно.