Испанийн Ла Лигийн 10 дугаар тойргийн сүүлийн ганц тоглолт болох "Rayo Vallecano" болон "Eibar" клубуудын тоглолт "Rayo Vallecano"-гийн "Campo de Futbol de Vallecas" цэнгэлдэхэд болж зочин багийн ялалтаар тоглолт өндөрлөлөө.

Энэ удаагийн тоглолтын 37 дахь минутад Arruabarrena, 49 дахь минутад Piovaccari нар тус тус гоолдон талбайн зочид тэргүүлж эхэлсэн. Харин талбайн эздээс Baptistao 67, 68 дахь минутад тус тус гоолдон тооны харьцааг тэнцүүлсэн боловч тоглолтын 86 дахь минутад эхний гоолын эзэн Arruabarrena дахин гоолдсоноор "Eibar" клубын гурав дахь хожлыг авчирсан юм.

Ийнхүү хожил байгуулсан "Eibar" хүснэгтийн есдүгээр байрт бичигдсэн бол "Rayo Vallecano" клуб 12 дугаар байрт бичигдлээ.

Б.ХОСНАМАР

Эх сурвалж: www.mminfo.mn