Ардын уран зохиолч Ш.Сүрэнжав гуайг муухан ламаас илүү тарни уншдаг гэдгийг зохиолчид андахгүй. Багын цэцэн цэлмэг үгтэй найрагч маань бие нь жаахан эвгүйтвэл хэдэн тарни хэлээд л аргалчихсаар иржээ. Тэр ч байтугай сүүлийн үед зохиолчдод засал хийж өгч байгаа гэнэ. Ардын уран зохиолч маань биеэ чилээрхсэн үед “Далай ламын үрэл шүү. Үүнийг  л хүртчих, тэгээд л бие лагшин тань сайжирна” гэж үзэг нэгтнүүддээ хэлдэг аж.