Дэлхийн
нийтээр цөлжилттэй тэмцэх өдрийг угтан мод тарьж, арчлан ургуулж,
зүлэгжүүлж, ногоон байгууламж бий болгон амьдрах орчноо тохижуулж,
цөлжилтийг сааруулахад хувь нэмэр оруулсан айл өрхийг урамшуулахаар
уралдаан зарлалаа.

Хамгийн их ногоон байгууламжтай айл өрх
шалгаруулах энэ уралдааныг Ховд аймгийн Засаг даргын тамгын газар,
Байгаль орчин, аялал жуулчлалын газар, Швейцарийн хөгжлийн агентлагийн
Цөлжилтийг сааруулах төслийн нэгж хамтран зохион байгуулж байна.

Орчноо
цэцэрлэгжүүлэх, ногоон байгууламж нэмэгдүүлэх чиглэлээр хийсэн ажлын
тайлан, хүсэлтийг айл өрхүүдээс аймгийн Байгаль орчин, аялал жуулчлалын
газар хүлээн авна. Цөлжилттэй тэмцэх өдрийг зохион байгуулах аймгийн
ажлын хэсэг материалыг хянан үзэн шалгаруулж олон нийтэд хүргэх юм.

Шагналыг 
2011 оны 6-р сарын 17-ны  “Дэлхий нийтээр цөлжилттэй тэмцэх өдөр”, “
Цөлжилтийн тухай 10 ойлголт “ хоёр жилийн аяны нээлтийн үеэр гардуулна
гэж Ховд аймгийн БОАЖГ-ын ахлах мэргэжилтэн Ц.Гантулга мэдээллээ.