Казахстаны нийслэл Аста­на хотноо жүдо бөхийн гран при тэмцээн болж өндөрлөлөө. Өнгөрсөн долоо х­о­но­гийн баасан гарагт эхэл­сэн энэхүү тэмцээн гурван өдөр үргэлжилж, ням гарагт өн­дөр­лөсөн юм. Энэ удаагийн тэм­цээнд 36 орны эрэгтэй 154, эмэг­тэй 123, нийт 277 тамирчин оролцлоо. 

Харин  Монголын шиг­­шээ эрэгтэй 10, эмэгтэй дөрвөн та­мир­­чинтай оролцов. Тэгвэл ма­­най баг тамирчид  эхний хоёр өд­рийн дараах байдлаар нэг алт, нэг мөнгө, гурван хүрэл ме­даль­тай­гаар багийн дүнгээр тэр­гүүл­сэн. Тиймээс Астанад гялалз­сан жүдочдыг “Долоо хоно­гийн дуулиант нөхөр”-өөр нэр­лэж байгаа юм. Эхний хоёр өдөр авсан медалийг хөнгөн жин­гийнхэн хүртсэн.  Тэр дундаа ма­най эрчүүд 60 болон 73 кг-ын жинд Японы бөхчүүдийг дарж, ме­дальд хүрч, сайхан амжилт гар­галаа.

Түүнээс гадна энэ удаа­­гийн Астанагийн гран прид ма­­най улсын бүх шилдгүүд яваа­­гүй. Номер хоёр, гурвууд л яв­сан. 60 кг-д Д.Амартүвшин, 73 кг-д Цагаанаа, Ням-Очир хоёр яв­саныг эс тооцвол. Тэгэхэд л ма­най бөхчүүд эхний хоёр өдрийн да­раа багийн дүнгээр тэргүүлсэн. 60 кг-д Д.Амартүвшин маань Кахахс­таны Сметовыг баралгүй мөн­гө дээр буусан.

Харин Г.Хэр­лэн хүрлийн төлөө Японы Иши­ка­ваг ялж медаль хүртсэн. Иши­кава энэ удаад манай хоёр бө­хөд даруулж ердөө тавдугаар байр­тай л үлдлээ. Харин 66 кг-д Д.Ал­тан­сүх, Б.Батгэрэл нар жаахан таа­руухан барилдчихлаа. Гэхдээ яах вэ, залуу бөхчүүдээ гадны бөх­чүүдтэй барилдуулж, цочроог нь гаргаж л байх хэрэгтэй. Тэг­вэл эмэгтэйчүүдийн 48 кг-д Дэл­хийн аварга М.Уранцэцэг очоо­гүй ч гэсэн Г.Отгонцэцэг урам­тай сайхан барилдаж, ал­тан медаль хүртлээ. Харин 52 кг-д зодоглосон М.Бундмаа хоёр­дугаар тойрогт Португалийн Бөх Жоано Рамост хожигдож, тэм­­цээ­нээ дуусгасан. Тэмцээний хоёр дахь өдөр эрэгтэйчүүдийн 73, 81, 90  эмэгтэйчүүдийн 57, 63 кг-ын барилдаан болсон.

Эрэг­тэйчүүдийн 73 кг-д С.Ням-Очир, Х.Ц­агаанбаатар гэсэн хоёр ал­дарт бөх зодоглож, хоёулаа хү­рэл медаль хүртлээ.  Лондоны олим­пийн хүрэл медальт С.Ням-Очир В хэсгийг тэргүүлэн барилдсан. Ма­най бөх эхний тойрогтоо хийлж, хоёр­дугаар тойрогт Казахстаны Торенов Ертуганыг, хэсгийн аваргын төлөө Японы Нишияама Юкиг ялсан юм. Харамсалтай нь хагас шигшээд Израйлийн бөх Муки Сагид ялагдаж, финалдах боломжоо алдсан. Харин хүрлийн төлөө Беларусын Шока Вадзимыг хожиж, медаль хүртлээ. Х.Ца­гаан­баатар гавьяатын хувьд В хэс­гийг тэргүүлэн барилдсан.  Ма­най эх эхний тойрогт хийлж, хоёр­дугаар тойрогт Узбекстаны бөх Шарипов Миралиг буулгаж ав­сан бол хэсгийн аваргын төлөө Германы бөх Кристоферыг ялсан. Гэвч хагас шигшээд Францийн бөх Дуфрат Пиеррег барсангүй.  Ха­рин хүрэл медалийн төлөө Япо­ны Нишияама Юкиг буулгаж авч, төрийн далбаа Астанагийн тэнгэрт мандууллаа. Уг нь манай бөхчүүдэд финалдах боломж байсан ч чадсангүй.

Тэгвэл эрэг­тэйчүүдийн 81 кг-ын жинд О.Ууган­баатар зодоглосон ч хоёр­дугаар тойрогтоо ялагдсанаар тэм­цээнээ дуусгасан юм.   Харин эмэг­тэйчүүдийн 57 кг-ын жинд ма­найхаас бөх барилдсангүй. Тэг­вэл 63 кг-ын жинд Ц.Мөнхзаяа барилд­сан ч  хоёрдугаар тойрогт ялагд­санаар тэмцээнээ дуусгалаа.    Харин тэмцээний гурав дахь өдөр буюу өчигдөр эрэгтэй 90, -100, +100, эмэгтэйчүүдийн -78, +78 кг-ын барилдаан бол­сон. Эмэг­тэйчүүдийн хүнд жинд бөх барилдаагүй. Харин эрэг­тэй­чүүдийн 90 кг-д Х.Батзориг, Х.Цогт­гэрэл, +100 кг-д Б.Тэ­мүү­лэн нар барилдсан юм.  Гэвч хүнд жин­­гийн бөхчүүдээс хоёрдугаар той­рогт барилдсан ганцхан л бөх бай­лаа.  Хэрвээ хүнд жингийнхнээс ядаж ганц нэг нь медаль дээр буусан бол манайхан багийн дүн­гээр тэргүүлэх ч боломж бай­сан.  Хөн­гөн жингийнхэн маань аль тэм­цээнд гялалздаг.

Хэн нэг нь алт, мөнгө, хүрэл медаль дээр буу­даг. Гэтэл хүнд жингийнхэн аль ч тэмцээнээс мултарсаар л байна. Тиймээс жүдогийн хол­боо хүнд жингийн бөхчүүдээ чадавх­жуу­лах, өрсөлдөөнтэй болгох тал дээр жаахан анхаармаар байгаа юм. Тэд нэгийг бодож, хоёрыг тун­гааж байгаа биз ээ.

Эх сурвалж: www.mminfo.mn