2014 оны аравдугаар сарын 3-6-ны өдрүүдэд АНУ-ын Нью-Жерси мужид Армийн дэлхийн аварга шалгаруулах тэмцээн болж уг тэмцээнд “Алдар” спорт хорооны бөхчүүд амжилттай оролцлоо.

Эрэгтэй 61 кг-ын жинд олон улсын хэмжээний мастер Н.Лхамгармаа, 70 кг-ын жинд Гавьяат тамирчин Г.Мандахнаран, 86 кг-ын жинд олон улсын хэмжээний мастер О.Үйтүмэн, эмэгтэй 60 кг-ын жинд олон улсын хэмжээний мастер С.Цэрэнчимэд нар алтан медаль, эрэгтэй 57 кг-ын жинд олон улсын хэмжээний мастер Д.Цогтбаатар, эмэгтэй 48 кг-ын жинд олон улсын хэмжээний мастер  Ц.Бямбазаяа, 58 кг-ын жинд олон улсын хэмжээний мастер П.Орхон нар мөнгөн медаль, эрэгтэй 65 кг-ын жинд олон улсын хэмжээний мастер Б.Батмагнай хүрэл медаль авчээ.

Энэ тэмцээнд Алжир, АНУ, Армян, БНХАУ, Бразил, Египет, Итали, Казахстан, Монгол, Пакистан, Польш, Шри-Ланк, Украин, ХБНГУ, Швейцар, Энэтхэг зэрэг орны бөхчүүд өрсөлджээ.

Жич: Өмнө нь манай бөхчүүд 1995 онд Итали улсын Ром хотод болсон армийн ДАШТ-нд оролцож Гавьяат тамирчин Г.Өсөхбаяр 100 кг-ын жинд мөнгөн медаль хүртэж байжээ.

Тэмцээний дүн

Эрэгтэй

57 кг   1. Сандеер Томар /Энэтхэг/

2. Дамдинбазарын Цогтбаатар /”Алдар” спорт хороо/

3. Владимир Кудрин /Казахстан/

3. Азхар Хоссейн /Пакистан/

Олон улсын хэмжээний мастер Д,Цогтбаатар шувтаргын барилдаанд энэтхэгийн бөх Сандеер Томарт 3:7 онооны харьцаагаар хожигджээ.

61 кг   1. Нармандахын Лхамгармаа /”Алдар” спорт хороо/

2. Елдос Абикенов /Казахстан/

3. Зенгуанг Тиан /БНХАУ/

3. Николай Айвазан /Украин/

Олон улсын хэмжээний мастер Н.Лхамгармаа шувтаргын барилдаанд казахстаны бөх Елдос Абикеновыг 13:3 онооны харьцаагаар дийлжээ.

65 кг   1. Евгений Хавилов /Украин/

2. Нарек Саноян /Армян/

3. Батчулууны Батмагнай /”Алдар” спорт хороо/

3. Азамат Шагапулы /Казахстан/

Олон улсын хэмжээний мастер Б.Батмагнай хүрэл медалийн төлөө барилдаанд египетийн бөх Саед Абдег 1.13 минутанд цэвэр ялжээ.

70 кг   1. Ганзоригийн Мандахнаран /”Алдар” спорт хороо/

2. Тим Мюллер /ХБНГУ/

3. Пиотр Крайвски /Польш/

3.  Панкаж Рана /Энэтхэг/

Гавьяат тамирчин Г.Мандахнаран шувтаргын барилдаанд греманы бөх Тим Мюллерийг 12:10 онооны харьцаагаар дийлжээ.

            74 кг   1. Галымжан Усербаев /Казахстан/

                        2. Моза Фау /АНУ/

                        3. Вирин /Энэтхэг/

                        3. Кристиан Брзозовски /Польш/

86 кг   1. Оргодолын Үйтүмэн /”Аврагч” спорт хороо/

2. Марко Рейсен /Швейцар/

3. Олег Белоцерковский /Украин/

3. Массе Балавендер /Польш/

Олон улсын хэмжээний мастер О.Үйтүмэн шувтаргын барилдаанд швейцарын бөх Марко Рейсинийг 8:5 онооны харьцаагаар дийлжээ.

97 кг   1. Ульям Харт /ХБНГУ/

2. Хав Юдвир /Энэтхэг/

3. Радослав Маркенкевич /Польш/

3. Виктор Казишвили /Армян/

            125 кг 1. Жонас Кессель /ХБНГУ/

2. Дмитрий Попов /Казахстан/

3. Зивей Денг /БНХАУ/

3. Радослав Баран /Польш/

Эмэгтэй

48 кг   1. Ивона Матковска /Польш/

2. Цогтбаатарын Бямбазаяа /”Алдар” спорт хороо/

3. Лаура Шут /ХБНГУ/

            53 кг   1. Хуи Ли /БНХАУ/

                        2. Уитни Кондер /АНУ/

                        3. Жаклина Шеллин /ХБНГУ/

                        4. Ганбаатарын Отгонжаргал /“Алдар” спорт хороо/

            55 кг   1. Катарзина Кравчук /Польш/

                        2. Александра Энгельхардт /ХБНГУ/

                        3. Надина Токар /Швейцар/

                        5. Пүрэвдоржийн Цолмон /“Алдар” спорт хороо/

58 кг   1. Хюьмин Фенг /БНХАУ/

2. Пүрэвдоржийн Орхон /”Алдар” спорт хороо/

3. Жойсе Суиза да Сильва /Бразил/

            Олон улсын хэмжээний мастер П.Орхон алтан медалийн төлөө хятадын бөх Хюьмин Фенгтэй барилдаж 5:6 онооны харьцаагаар хожигджээ.

60 кг   1. Сүхээгийн Цэрэнчимэд /”Алдар” спорт хороо/

            2. Хиофанг Чен /БНХАУ/

            3. Отелла Феролето /АНУ/

            Олон улсын хэмжээний мастер С.Цэрэнчимэд хятадын бөхийг 11:11 онооны харьцаагаар ялж америкийн бөх Отелла Феролеттог 11:0 онооны харьцаагаар дийлжээ.

            63 кг   1. Хью Хайжан БНХАУ

                        2. Моника Михалек Польш

                        3. Далма Канева Итали

                        3. Дианлане Гомес Риес Бразил

                        5. /”Алдар” спорт хороо/

Олон улсын хэмжээний мастер Шинэхүүгийн Пүрэвхүү хүрэл медалийн төлөө барилдаанд италийн Далма Каневад 2:7 онооны харьцаагаар хожигджээ.

69 кг   1. Ранди Миллер /АНУ/

            2. Енас Мустафа Ёзеф /Египет/

            3. Агнеска Вейзек-Кордус /Польш/

4. Цэвэгмидийн Энхбаяр /”Алдар” спорт хороо/

            75 кг   1. Алёна Сильва Феррера Бразил

                        2. Липинг Жиа БНХАУ

                        3. Ирис Смит АНУ

                        4. Бадрахын Одончимэг /”Алдар” спорт хороо/

        Д.ӨЛГИЙСАЙХАН (МЧБХ)