МХБХ-ны Үндэсний “Нийслэл лиг” тэмцээн үргэлжилж байна. Лигийн 18 дахь тоглолтод “Улаанбаатарын мазаалайнууд” баг “Сэлэнгэпресс”-ийг 2:1 харьцаатай ялж, энэ улирлын анхны хожлоо авлаа. Талбайн эзэн баг “Мазаалайнууд”-аас Ц.Төмөр-Очир 41, М.Энхбадрах 67 дахь минутад гоолдсон бол “Сэлэнгэпресс”-ийн ганц гоолыг С.Одхүү 56 дахь минутад оруулсан байна. Ингэснээр “Мазаалайнууд” зургаан оноотой болж дөрөвдүгээр байр руу дэвшсэн бол “Сэлэнгэпресс” долоон оноотой хэвээр үлдлээ. Мэргэн буучдын жагсаалтыг Х.Амгалан /Хоромхон/ зургаан гоолтой тэргүүлсээр байгаа бол тус бүр дөрвөн гоол оруулсан П.Алтантулга /Улаанбаатар Дээд Сургууль/, Б.Амарбаясгалан нар нэхэж явна.

Тоглолтын зарим сонирхолтой үзүүлэлтийг танилцуулъя.

Тэмцээн эхэлснээс хойш нийт 61 гоол ороод байгаа нь 1 тоглолтод 3.4 гоол оруулсан үзүүлэлтийг үзүүлж байна.
“Нийслэл лиг”-ийн хамгийн хурдан гоолыг “Сэлэнгэпресс” клубын тамирчин С.Одхүү тоглолт эхлээд 31 секундын дараа “Хүлэгүүд” багийн хаалганд оруулсан байна.
2:0-ийн харьцаатайгаар хожигдож яваад сүүлийн 20 минутад 3 гоол хийсэн “Хүлэгүүд” багийн үзүүлэлтийг “Лигийн хамгийн сайн эргэн ирэлттэй баг”-аар тодруулж байна.
“ФС Улаанбаатар” багийн тоглосон тоглолтын үеэр их гоол ордог үзүүлэлт гарч байна. Нэг тоглолтод дунджаар 5,25 гоол орсон үзүүлэлт гарчээ.
Хамгийн хашир багаар “Улаанбаатарын Мазаалайнуу”д баг одоогоор тодроод байна. Тэдний тоглосон тоглолтод дунджаар хоёр гоол ороод байгаа нь ийн үзүүлэлт хангасан байна.
Хамгийн ахмад тоглогчоор “Хүлэгүү”д багийн хаалгач спортын мастер Ш.Насанжаргал тодорлоо. Тэрбээр энэ жил 43 настай ажээ.

Лигийн явц:

№	Багууд	Тт	Хо	Тэ	Хд	О	Х/Б	А/Б	Б/З
1	Хоромхон	5	4	1	–	13	10	6	+4
2	УБДС	5	2	2	1	8	8	6	+2
3	Сэлэнгэпресс	5	2	1	2	7	11	10	+1
4	Мазаалайнууд	5	1	3	1	6	5	5	–
5	Хүлгүүд	4	2	–	2	6	8	10	-2
6	ФС Улаанбаатар	4	1	1	2	4	11	10	+1
7	Хангарьд	4	–	2	2	2	4	6	-2
8	Эрчим	4	–	2	2	2	4	8	-4