Үндэсний статистикийн хорооноос долоо хоног тутам гаргадаг хүнсний гол нэрийн барааны үнийн мэдээлэл өнөөдөр гарчээ. Улаанбаатар хотын хүнсний зах, дэлгүүрт худалдаалагдаж байгаа хүнсний гол нэрийн барааны үнийг эндээс тольдож болох юм. Зарим үед зах зээлийн үнээс хамаагүй зөрж гардаг судалгаа энэ удаа харин харьцангуй дөхүүтэй гарсан байлаа.Хүнсний гол нэрийн барааны үнэ өмнөх сараас 7,7 хувь, өмнөх долоо хоногоос 3,3 хувийн өсөлттэй гарчээ. Хүнсний бараанаас хамгийн их өсөлттэй гарсан нь мэдээж мах юм. Дөрөвдүгээр сарын 14-ний байдлаар хонины махны үнэ гуравдугаар сарын дундаж үнээс 16.5-16.6 хувь, үхрийн махны үнэ 18-19 хувь, ямааны махны үнэ 28.8 хувь, адууны махны үнэ 7.7 хувиар өсчээ.Харин өмнөх долоо хоногийн дундаж үнэтэй харьцуулахад хонины махны үнэ 5.7-6.3 хувь, үхрийн махны үнэ 6-6.7 хувь, ямааны махны үнэ 3.4 хувь, адууны махны үнэ 1.5 хувиар өссөн байна.
Өчигдрийн байдлаар Улаанбаатар хотод нэг кг хонины /ястай/ мах дунджаар 4199 төгрөг, үхрийн мах/ястай/ – 4975 төгрөг, ямааны мах – 3000 төгрөг, адууны мах – 3383 төгрөг, хонины цул мах – 4463 төгрөг, үхрийн цул мах – 5338 төгрөгийн үнэтэй байна гэж Үндэсний статистикийн хорооноос мэдээлжээ.
Харин аймгуудад худалдаалагдаж байгаа хонины махны үнийг өмнөх долоо хоногийн дундаж үнэтэй харьцуулахад Архангай, Баян-Өлгий, Булган, Дорноговь, Дорнод, Дундговь, Өвөрхангай, Завхан, Сүхбаатар, Ховд, Хэнтий, Дархан-Уул, Орхон, Говьсүмбэр аймагт 100-1300 төгрөгөөр өсч, Сэлэнгэ аймагт 100 төгрөгөөр буурчээ. Хонины махыг Өмнөговь аймагт хамгийн өндөр үнэтэй буюу 4800 төгрөгөөр зарж байхад Баян-Өлгий, Говь-Алтай аймагт хонины махны үнэ 2500 төгрөг байгаа ажээ. Үхрийн махны үнэ Архангай, Булган, Дорноговь, Завхан, Өвөрхангай, Сүхбаатар, Төв, Хэнтий, Дархан-Уул, Орхон, Говьсүмбэр аймагт 100-1500 төгрөгөөр өсч, бусад аймагт үнэ нь тогтвортой байжээ. Дундговь, Өмнөговь, Увс аймагт үхрийн мах зарагдахгүй байна. Үхрийн мах Дархан-Уул аймагт 4800 төгрөгийн үнэтэй байгаа бол Баян-Өлгий, Говь-Алтай аймагт 2800 төгрөг байна.
Өчигдрийн байдлаар Улаанбаатар хотод нэг кг хонины /ястай/ мах дунджаар 4199 төгрөг, үхрийн мах/ястай/ – 4975 төгрөг, ямааны мах – 3000 төгрөг, адууны мах – 3383 төгрөг, хонины цул мах – 4463 төгрөг, үхрийн цул мах – 5338 төгрөгийн үнэтэй байна гэж Үндэсний статистикийн хорооноос мэдээлжээ.
Харин аймгуудад худалдаалагдаж байгаа хонины махны үнийг өмнөх долоо хоногийн дундаж үнэтэй харьцуулахад Архангай, Баян-Өлгий, Булган, Дорноговь, Дорнод, Дундговь, Өвөрхангай, Завхан, Сүхбаатар, Ховд, Хэнтий, Дархан-Уул, Орхон, Говьсүмбэр аймагт 100-1300 төгрөгөөр өсч, Сэлэнгэ аймагт 100 төгрөгөөр буурчээ. Хонины махыг Өмнөговь аймагт хамгийн өндөр үнэтэй буюу 4800 төгрөгөөр зарж байхад Баян-Өлгий, Говь-Алтай аймагт хонины махны үнэ 2500 төгрөг байгаа ажээ. Үхрийн махны үнэ Архангай, Булган, Дорноговь, Завхан, Өвөрхангай, Сүхбаатар, Төв, Хэнтий, Дархан-Уул, Орхон, Говьсүмбэр аймагт 100-1500 төгрөгөөр өсч, бусад аймагт үнэ нь тогтвортой байжээ. Дундговь, Өмнөговь, Увс аймагт үхрийн мах зарагдахгүй байна. Үхрийн мах Дархан-Уул аймагт 4800 төгрөгийн үнэтэй байгаа бол Баян-Өлгий, Говь-Алтай аймагт 2800 төгрөг байна.
Д.Цээнэ
