Дэлхийн шилдэг 20 даамчин тойргоор тоглож буй даамын дэлхийн аварга шалгаруулах тэмцээн Голландын Эммелорд хотноо үргэлжилж байна. Одоогийн байдлаар даамчид бүгд 11 өрөг тоглоод байгаа юм. Дэлхийн шилдгүүдтэй мөр зэрэгцэн тоглож буй Азийн дөрвөн удаагийн аварга, их мастер Д.Эрдэнэбилэг өчигдөр 11 дэх өргийн тоглолтоо Беларусийн их мастер Анатолий Гантваргтай цагаанаар хийж, тэнцсэн байна. Ингэснээр манай даамчин 11 өргөөс хоёр хожиж, найм тэнцэж, нэг хожигдсоноор нийт 12 оноотой долдугаар байрт бичигдээд байна.

Даамын дэлхийн аварга шалгаруулах тэмцээний ээлжит тоглолтууд өнөөдөр болох бөгөөд Д.Эрдэнэбилэг Литвийн их мастер Алексей Домчевтой хараар нүүнэ.