“Нэг Ардчилал” клубээс санаач­лан
цуврал болгон зохион байгуулж буй “Иргэнд суурилсан хөгжлийн яриа-6”
уулзалтыг Дорноговь аймагт зохион байгууллаа.

Тус аймгийн 
иргэд, гишүүд­тэй хийх уг хэлэлцүүлэгт  “Өөрчлөлтийг өөрөөсөө…”,
“Манлайлах ур чадварыг хөгжүүлэх нь: Өөрчлөлтийг өөрөөсөө эхлэе”,
“Обьектив сэтгэлгээ ба улс орны хөгжил”, “Шууд Ардчилал ба иргэдийн
оролцоотой иргэний төлөө засаглал”, “Иргэдийг орон сууцжуулах хөтөлбөр”
гэсэн сэдвээр илтгэл тавигдах бөгөөд илтгэлийн дагуу хэлэлцүүлэг
өрнүүлсэн байна.

Энэ үеэр мөн Нэг Ардчилал клубын хамт олон
Сайншандийн ЭМШУИС-ын гадна талбайг моджуулан оюутан залуустай мод
тарьсан аж. Ийнхүү ЭМШУИС-ын гадна Нэг Ардчилал гэсэн замтай болсон
байна.

Дорноговь аймагт ажилласан хоёр долоо хоногийн хугацаанд
тус клубын­хан оюутан залуус, иргэд, төрийн албан хаагчидын дунд гурван
тусдаа уулзалт хийжээ. Цувралаар зохион байгуулагдаж буй уг арга
хэмжээний зорилго нь Монгол Улс үндсэн хуулиндаа “Эх орондоо хүмүүнлэг
иргэний Ардчилсан нийгмийг цогцлоон хөгжүүлэхийг эрхэм зорилго болгоно”
хэмээн тунхагласны дагуу тэр­хүү хүмүүнлэг иргэний Ардчилсан нийгмийг
амжилттай цогцлооход ир­гэн бүрийн дуу хоолой, үзэл бодол чухал гэдгийг
сануулж, хүн бүрийн тэгш оролцоог ханган, үг хэлэх эрх өр­гөн боломжийг
бүрдүүлж нээлттэй хэлэл­цүүлэг өрнүүлэхэд орших аж.