Дөрөвдүгээр сарын 22-нд эхэлсэн Бүх ард түмний их хуралдай түр завсарлаад арваад хонож байна. Их хуралдайд 21 аймгаас 600 гаруй төлөөлөгч, нийслэлээс 200 төлөөлөгч оролцсон гэсэн тоо зохион байгуулагчид нь хэлж байгаа. Гэвч орон нутгаас ирсэн төлөөлөгчдийн түрүүч хуралдай завсарласан үеэс нутаг буцаж эхэлсэн бол тэдний сүүлч өнөөдрөөс Улаанбаатараас хөдлөхөөр болжээ. Тэд хэлэлцүүлгийнхээ үр дүнг нэгтгэж, хэлэлцээд тарах бололтой. Харин УДЭТ-ын өмнөх талбайд нийслэлээс төлөөлөн оролцож байгаа иргэд байрлан, Их хуралдайн үйл ажиллагааг үргэлжлүүлэх юм байна.