Далай лам тэргүүтэй дэлхийд нэр хүндтэй бурханы шашны олон дээд хувраг, зүтгэлтнүүд  Монгол оронд айлчлан ирж, лам хувраг, сүсэгтэн олонд бурханы шашны номлол, сургаалаа айлддаг билээ.

Тэгвэл өнөөдөр Монголын бурханы шашны хийдүүд, лам хувраг болон сүсэгтэнүүд заллага айлтгасанаар XIV Далай ламын ёнзин багш Тижан богдын хойд дүр, Дээрхийн гэгээн авралт богд Тижан Чогбрүл ринбучэ манай улсад морилж ирэх гэж байна. Тэрбээр 22.30 цагт Чингис Хаан олон улсын нисэх буудалд газардах аж. Богд Тижан Чогбрүл ринбучэ-н урд дүр болох ёнзин Тижан Богд нь XIV Далай ламын бурханы шашны эрдэм боловсрол, номын увдисыг зааж хайрласан хоёр ёнзин багшийн нэг бөгөөд төгс баясгалант шарын шашны их эзэн хэмээн алдаршсан хувилгаан богд лам юм. Тэрбээр Монголд айлчлах хугацаандаа сүсэгтэн олонд зориулж, энэ сарын 11, 12-нд 13:30 цагт Манзушри догшин дүр, Ямандаг бурханы авшигийг Монголын Үндэсний АСА циркт айлдах аж.