“Нюанс” хамтлагийнхан  өнгөрсөн хоёр жилд ОХУ-ын Эрхүү, Усть Орда, Забайкалский Край, Могойтын район, Агинский район, Кижингинский район, Улаан Үд, Чита хотуудад сар болгон тоглолтоо толилуулсаар ирсэн. 2001 онд УДБЭТ-ын дэргэд хамтлагаа байгуулсан тэд урлагийн томчуудын хайр хүндэтгэлийг хүлээсэн хүмүүжилтэй даруухан бас тайзны соёл, дуулах ур чадвар, төлөв даруу залуучууд болон төлөвшжээ. “Нюанс” хамтлаг 2004 онд “Голомт хурайлсан тэнгэрлэг аялгуу”, 2007 онд “NUANS popera concert”, 2008 онд “ISABEL” popera concert, 2009 онд “AMORE” pop-opera, 2010 онд “Angelina” popera concert, 2011 онд “Melody” pop-opera concert, 2011 онд “NUANS 10 th Anniversary” popera concert, 2012 онд “Бид ээждээ хайртай” нэртэй тоглолтуудыг толилуулж ирсэн. Энэ удаад тэп  цоо шинэхэн уран бүтээлүүдээр Монголынхоо үзэгч, сонсогчдод уран бүтээлээ толилуулах ажээ.

Г.ТУУЛ