Microsoft  корпораци өнгөрсөн долоо хоногт Skype интернэт утсан үйлчилгээнд 8,5 тэрбум доллар төлөхийг зөвшөөрсөн. Энэхүү томоохон наймааг компанийн үүсгэн байгуулагч Билл Гейтс гаргасан тухайгаа BBC-н Hardtalk программд оролцох үеэрээ ярьжээ. Өндөр өртөг бүхий энэхүү наймаа нь Skype болон Microsoft-д аль алинд нь ихээхэн ашигтай наймаа болсон тухай мөн дурьджээ.

Skype нь 663 сая хэрэглэгчтэй хамгийн томоохон интернэт утсан үйлчилгээ боловч одоогоор алдагдалтай ажиллаж байгаа аж.
“Видео яриа, хурал хийх энэ үйлчилгээ бол бидний хайж байсан маш гайхалтай санаа. Бид хамтдаа үүнийг цаашид илүү хөгжүүлж, өнөөгийн байгаагаасаа хамаагүй дээр болно. Энэ нь Skype-д ихээхэн ашиг орлого авчирна” гэж ярилцлагын төгсгөлдөө дурьджээ.