“Улс төрд шинэ манлайлагч” төслийн багийнхан Архангай аймгийн Ихтамир суманд ажиллалаа. Монгол улсын ууган таван аймгийн нэг Архангай аймгийн 19 сумаас хамгийн их хүн амтай нь Ихтамир. 5500 гаруй хүн амтай, байгалийн үзэсгэлэн төгс бүрдсэн төв зам дагуу байрлах энэ сум эрчимтэй хөгжиж байна. Ихтамирын нэрийн хуудас болсон бүтээгдэхүүн бол сүүн хурууд юм. Сумын залуус жижиг дунд үйлдвэрлэлийг нэгдсэн бодлогоор хөгжүүлэх шаардлагатай хэмээн үзэж байна. Учир нь ажлын байр дутмаг байгаа тухай тэд онцоллоо.
