Филиппиний цахим спортын байгууллагаас зохион байгуулж буй Азийн аварга шалгаруулах анхдугаар тэмцээн ирэх есдүгээр сарын 12-нд Сөбү хотод болно.  Гурван өдөр үргэлжлэх тус тэмцээнд тамирчид косплэй, Dota 2 гэсэн төрлөөр аваргуудаа тодруулна.

Тэмцээнд Монгол, БНСУ, Энэтхэг, Индонези, Филиппин, Вьетнам, Шри Ланк, Малайз зэрэг орны баг тамирчид оролцоно. Манай улсаас “The MongolZ” баг оролцох юм. Монголын багийн ахлагчаар А.Ариунболор ажиллаж байгаа бол гишүүдэд Б.Энхбаяр, Н.Энх-Од, Ү.Төрмандах, Т.Тулга нар багтжээ. “The MongolZ” багийн хувьд Монголын шилдэг багуудын дундах халз тэмцээнд түрүүлснээр тивийн аваргад өрсөлдөх эрхийг авчээ.

Ч.БОЛОР