Монголын залуучуудын өдрөөр цөөнгүй арга хэмжээ зохиогдсоны нэг нь “Цагийн ажил-II” хөдөлмөрийн яармаг. Энэхүү яармагийг Монголын залуучуудын холбоо, ХЭҮТ, нийслэлийн Хөдөлмөрийн газартай хамтран зохион байгуулжээ. “Цагийн ажил-II” Хөдөлмөрийн яармагт Бэст Вэстэрн Примьер Туушин зочид буудал, Эм Си Эс Коко Кола, Дүнжингарав худалдааны төв, Мобиком корпораци, Скайтел групп, Скай трейдинг ХХК, Сантис сургалтын төв зэрэг 20 гаруй ажил олгогч байгууллага оролцож 1500 гаруй ажлын байрыг нээлттэй зарласан байна.

 бб “Цагийн ажил-II” Хөдөлмөрийн яармаг нь ажил олгогчид хүний нөөц бүрдүүлэх, компанийн үйл ажиллагааг олон нийтэд таниулах, хэвлэл мэдээллийн байгууллагад үнэ төлбөргүй нээлттэй ажлын байраа сурталчилах боломжийг бүрдүүлж өгсөн бол ажил хайгчид түр болон цагийн ажлын байранд шууд зуучлагдах, ажлын байрны талаарх бүх мэдээллийг авах, оюутнууд дадлага хийх байгууллага, аж ахуй нэгжийг сонгох,  боломжийг олгожээ.б “Цагийн ажил-II” хөдөлмөрийн яармагийн үеэр 950 гаруй ажил хайгч бүртгүүлснээс 300 гаруй нь шууд ажлын байранд зуучлагдсан байна.

О.САРНАЙ