Аваргуудын лигт орохын төлөөх плей оффын тоглолтууд үргэлжилж байна. Өнгөрсөн шөнө Европын 10 баг хоорондоо тулж, энэхүү нэр хүндтэй тэмцээнд оролцох эрхээ авахын төлөөх эхний тоглолтоо хийлээ.

Тэр дундаас Францийн “Лилль” клуб талбай дээрээ  Португалын “Порту”-г хүлээж авсан тоглолт хамгийн сонирхолтой нь байлаа. Энэхүү тоглолтод “Порту” өрсөлдөгчөө талбай дээр нь 0:1-ээр буулгаж авч, өөрсөддөө том боломж бий болголоо.

Тоглолтын хувь заяаг шийдсэн цорын ганц гоолыг 61 дэх минутад Эррера оруулж, багаа ялалтад хөтөлжээ.  Хоёр багийн хариу тоглолт ирэх долоо хоногийн мягмар гарагт “Порту”-гийн талбайд болно. 

Бусад тоглолтын үр дүн
Ольборг 1-1 АПОЭЛ
Стандард 0-1 Зенит
Марибор 1-1 Селтик
Слован Братислава  1-1 БАТЭ

Н.Пунцагболд

Эх сурвалж: www.mminfo.mn