Ухаалаг гар утасны зах зээлд шинээр хоёр ухаалаг гар утсыг Өмнөд Солонгосын LG компани гаргалаа. LG L Fino болон LG G Bello нэртэй хоёр загварын гар утас нь өнөөдрөөс Солонгосын дэлгүүрүүдээр худалдаалагдаж эхэлжээ.

LG L Fino загварын ухаалаг гар утас нь 1.2GHz quad-core процессортой, 4.5 инчийн WVGA дэлгэцтэй, 1GB RAM-тай, 4GB багтаамжтай, 1,900mAh батерейтай, арын камер нь 8MP хүчин чадалтай, Android 4.4.2 KitKat үйлдлийн системтэй юм байна.

Харин LG L Bello загварын гар утас нь 1.3GHz quad-core процессортой, 5 инчийн FWVGA дэлгэцтэй,  1GB RAM-тай, 8GB багтаамжтай, арын камер нь 8MP, нүүрэн талын камер нь 1MP хүчин чадалтай юм байна.

Батерей нь нөгөө загвараасаа илүү багтаамжтай 2,540mAh ба Android 4.4.2 KitKat үйлдлийн системтэй аж.

Т.БИЛГҮҮН