Японы Sharp компани ухаалаг гар утасны зах зээлд өөрийн шинэ бүтээгдэхүүнээ гаргалаа. Sharp Aquos Crystal нэртэй шинэ загварын ухаалаг гар утас нь яг л жижигхэн хэмжээтэй Sharp HD TV шиг танд санагдах гэнэ.

Энэхүү гар утсыг Япон болон АНУ-д өчигдрөөс эхлэн худалдаалж эхлээд байгаа ба 4 инчийн HD дэлгэцтэй, Android 4.4.2 KitKat үйлдлийн системтэй, 1.2GHz quad-core Qualcomm Snapdragon процессортой, арын камер нь 8MP нүүрэн талын камер нь 1.2MP хүчин чадалтай, 1.5GB RAM-тай юм байна.

Өнгөний хувьд хар цагаан гэсэн хоёр л сонголттойгоор худалдаанд гарсан ба 199 ам.долларын үнэтэй юм байна.

Т.БИЛГҮҮН