Эдийн засгийг эрчимжүүлэх зарим арга хэмжээний хүрээнд төрийн байгууллагууд үр ашиггүй зардлуудаа багасгахын тулд цалингаа бууруулах, албан хэрэгцээнд ашигладаг авто машинаа цөөлөх зэргээр төрөл бүрийн арга хэмжээ авч байгаа бол Мэргэжлийн хяналтын ерөнхий газрын дарга арай өөр арга барилаар ажиллажээ. Тэрээр өнгөрсөн сард тушаал гаргаж нэгэн зэрэг 19 байцаагчаа ажлаас нь чөлөөлсөн гэнэ. Ээлжийн амралтаа авахад нь “Сайхан амраад ирээрэй” гэж үдэж байсан дарга харин амрах зуур нь тушаал гаргаад халчихсан. Түүнийгээ Засгийн газрын 147 дугаар тоот тогтоолыг хэрэгжүүлэх хүрээнд хийж байна гэж хэлжээ. Гэтэл аажимдаа энэ нь молиго болж хувирчээ.

Халагдсан 19 байцаагчийнхаа оронд 16 хүнийг шинээр авч, “шахаа” хийж амжсан гэх.

Ийм нэгэн адал явдлыг тойрч, ирэх өдрүүдэд Мэргэжлийн хяналтынхан бужигнах шинжтэй байна.

Г.ШАРХҮҮ