AP Photo/Sergei Grits

• Украины еранхийлөгч Петр Порошенко Донбассын хэрэг явдлыг зохицуулах талаар Нормандын эсвэл Женевын талаар  ярилцахад бэлэн гэж мэдэгдсэн байна.
• Оросын Гадаад хэргийн сайд Сергей Лавров хүмүүнлэгийн ажиллагааны талаар тохиролцоонд хүрсэн учраас Улаан загалмайн ивээлийн дор явагдана гэлээ. 
• Украины зүүн хязгаарт явуулж байгаа ажиллагаа нь оросуудыг тэр нутгаас шахан зайлуулах гэсэн Киевын эрх баригчдын зорилго гэж Гадаад хэргийн сайд Сергей Лавров үзэж байгаагаа мэдэгджээ.
• Амь үрэгдсэн сайн дурын цэргийнхний ар гэрт нөхвөр болгон 1,25 сая доллар  олгосон гэж өөрийгөө зарлан тунхагласан Донецк ард улсын Засгийн газар мэдээлжээ.
• "Батькивщина" намын Дээд рад дахь жигүүрийнхэн Оросын эсрэг авах хориг арга хэмжээний талаар Засгийн газрын оруулсан саналын тухай хуулийн төслийг эхний хэлэлцүүргээр нь дэмжинэ гэж мэдэгдлээ.
• OSCE байгууллагын Хэвлэл мэдээллийн эрх чөлөөний асуудал эрхэлсэн төлөөлөгч Дунья Миятович наймдугаар сарын 5-нд Украинд сураггүй болсон "Россия сегодня" агентлагийн гэрэл зурагчин Андрей Стениныг нэн даруй суллахыг шаардсан байна.
• Оросын хилийн автомашиныг нэвтрэн өнгөрүүлэх "Матвеев Курган"  боомт ажиллагаагаа сэргээв. Суудлын болон автобус хоёр тал руу чөлөөтэй нэвтэрч харин ачааны машинуудыг Украины гаалиар нэвтрүүлэхгүй байгаа гэнэ.
• Луганск хот бүрэн тусгаарлагдсан, амь дүйсэн байдалд байна гэж хотын зөвлөл мэдээлэв.
• Донецк хотын онцгой хэрэгтнүүдийн колони их бууны галд нэрвэгдэх үеэр зугтсан хоригдлууд буцан ирэх хүслээ илэрхийлсэн тухай Украины шүүхийн шийдвэр биелүүлэх албанаас мэдээлэв.
• Украины арми Донецк хотыг их буугаар буудсаар байна. Энэ өдөр хотын Киров, Ленины районууд их бууны галт дайрагдлаа.
• Европын холбооны Улс төр ба аюулгүй байдлын хороо мягмар гаригт Украины асуудлыг авч хэлэлцэнэ.
• Украинд хүмүүнлэгийн ээлжит тусламжийг хүргэсэн тухай Чеченийн ерөнхийлөгч Рамзан Кадыров мэдэгдлээ.
• Украины зүүн хязгаарт хүмүүнлэгийн тусламж хэрэгтэй байгаа гэж Финляндын Гадаад хэргийн сайд Эркки Туомиойя хэлжээ.
• "Днепр» сумангийн дайчид Алчевска хотын “ард түмний мэр” Николай Бойког баривчилсан байна.

Баривчлагдсан Николай Бойко

• Горловка хот дахь "Стирол" химийн концернийн үйлдвэрийг их буугаар буудах нь хорт бодисны хаягдлыг өдөөн 300 км-ын хүрээнд хүмүүсийг хордуулах аюултай боллоо.

Бэлтгэсэн Ш.МЯГМАР