Зам
тээвэр барилга хот байгуулалтын яамнаас Хэрлэн голын дээгүүр гүүр
барихаар төлөвлөж байгаа гэнэ. Өөрөөр хэлбэл, шинэ төмөр замын трассын
дагуу барьж буй хамгийн том гүүрэн байгууламж байх гэнэ. Энэ гүүрийн урт
нь 300 орчим метр ажээ. Гүүр барих ажлын зураг удахгүй гарах бөгөөд
ирэх сарын сүүлээр гэхэд барьж эхлэхээр төлөвлөөд байгаа юм байна.
Гүүрийг барих хөрөнгийг шинэ төмөр замыг барих ажилтай уялдуулж, уг
хөрөнгөөс гаргахаар тооцоолоод байгаа бололтой.