Монголын чөлөөт бөхийн шигшээ багийн тамирчид Азийн аваргад зодоглохоор өчигдөр эх орноосоо мордлоо. 2011 оны чөлөөт бөхийн эрэгтэй, эмэгтэй, сонгомол бөхийн насанд хүрэгчдийн Азийн аварга шалгаруулах тэмцээн Узбекистаны нийслэл Ташкент хотноо энэ сарын 19-22-нд болно. Тус тэмцээнд Монголын тамирчид эрэгтэй, эмэгтэй тус бүр долоон жинд бүрэн бүрэлдэхүүнээрээ оролцох юм. Баг тамирчдыг үндэсний шигшээ багийн ахлах дасгалжуулагч А.Цэдэнсодном, залуучуудын шигшээ багийн дасгалжуулагч Б.Батбаяр, дасгалжуулагч Ц.Баярсайхан нар ахлах ажээ.

Тэмцээний эхний өдөр буюу 19-нд чөлөөт бөхийн эрэгтэйчүүдийн 55, 60, 66, 74, 84 кг-ын жингийн барилдаан болох бол хоёр дахь өдөр чөлөөт бөхийн эрэгтэйчүүдийн 96, 120 кг, эмэгтэйчүүдийн 48, 51, 55 кг-ын жинд аваргууд тодорно. Харин 21-нд чөлөөт бөхийн эмэгтэйчүүдийн 59, 63, 67, 72 кг, сонгомол бөхийн 55, 60 кг, сүүлийн өдөр буюу 22-нд сонгомол бөхийн үлдсэн жин болох 66, 74, 84, 96, 120 кг-ын жинд медалийн эзэд тодрох юм.

Азийн АШТ-д зодоглох Монголын тамирчид:

Эрэгтэй:

55 кг: ОУХМ Д.Цогтбаатар
60 кг: Спортын мастер Б.Нэмэхбаяр
66 кг: Спортын мастер Б.Анхбаяр
74 кг: ОУХМ П.Өнөрбат
84 кг: Спортын мастер Д.Хүдэрбулга
96 кг: Спортын мастер Н.Золбоо
120 кг: ОУХМ Ж.Чулуунбат

Эмэгтэй:

48 кг: Ц.Энхжаргал
51 кг: ОУХМ Д.Отгонцэцэг
55 кг: Спортын дэд мастер Л.Хонгорзул
59 кг: С.Цэрэнчимэд
63 кг: Ш.Түмэнцэцэг
67 кг: Б.Оюунсүрэн
72 кг: ОУХМ Б.Одончимэг