Италийн Эдийн засгийн хөгжлийн сайд Паоло Романи ирэх сард Монгол Улсад айлчилна. Энэхүү айлчлалын хүрээнд “Итали-Монголын Эдийн засгийн форум”-ыг Улаанбаатар хотноо зохион байгуулахаар болжээ. Бизнес форумыг МҮХАҮТ, Италийн худалдаа аж үйлдвэрийн танхимтай хамтран дараах салбарын хүрээнд зохион байгуулахаар товлоод байна. Үүнд,
-Оёмол, сүлжмэлийн технологи
-Барилга, дэд бүтэц
-Хүнсний үйлдвэрлэлийн технологи гэсэн сэдэв багтаж байна. Салбар тус бүрээр хуралдаанууд зохион байгуулах тул Италийн компаниудтай хамтран ажиллах тодорхой санал, төслүүдтэй аж ахуйн нэгжүүд оролцож болох юм байна. Оролцохыг хүссэн компаниуд зургадугаар сарын 10-ны өдрийг хүртэл Гадаадын хөрөнгө оруулалтын газарт хандаарай.