Иргэд сар бүр 21 000 төгрөг авна хэмээн өөрийн хэтэвчин дэх тооцоондоо тусгадаг нь хэвшил болжээ. Харин энэ мөнгийг тараах эрх авсан гурван банкны Засгийн газартай байгуулсан гэрээ дуусгавар болж байгаа тул Хаан банк хувь хишиг олгох ажлаа түр зогсоохоор болоод байсан юм. Энэ талаар Хөдөлмөр, халамж үйлчилгээний газрын хэлтсийн дарга Ч.Ганхуягаас тодруулахад, “Өнөөдрөөс эхлээд бүх банкууд 21 000 төгрөг олгох ажлыг хэвийн үргэлжлүүлнэ” гэсэн товч хариулт өглөө.

Дөнгөж сая авсан мэдээллээр Хаан банк иргэдэд халамжийн мөнгө тараах үйлчилгээгээ ирэх долдугаар сар хүртэл үргэлжлүүлэн хүргэхээр болжээ.