Колумбын алдарт дуучин Шакира өнгөрсөн гуравдугаар сард Венесуэлийн нийслэл Каракас хотод аялан тоглолт хийх үеэрээ тус улсын ерөнхийлөгч Уго Чавестай уулзах хүсэлт тавьсан ч дуучны нислэг саатсанаас улмаас ноён ерөнхийлөгчтэй уулзаж чадаагүй байна.

Харин алдарт дуучин маань эл явдалд хүлцэл өчиж, ерөнхийлөгч Чавест өөрийн гарын үсэгтэй улаан өнгийн гитарыг бэлэг болгон илгээжээ. Ерөнхийлөгч Чавес дуучны бэлэглэсэн гитарыг тоглож сурч байгаа гэдгээ мэдэгдээд Венесуэлийн үндэсний телевизээр дамжуулан Шакирад талархал илэрхийлсэн байна.