Хүннү гүрний 2223 жил, Их Монгол Улс байгуулсны 808 жил, Ардын хувьсгалын 93 жилийн ойн улсын баяр наадамд зодоглох бөхчүүдийн бүртгэл маргааш эхэлж, долдугаар сарын 9, 10-нд үргэлжилнэ. Энэ жилийн наадамд хүчит 512 бөх зодоглох бөгөөд бөхчүүдийн бүртгэлийг МҮБХ-ноос зохион байгуулан “Монгол бөхийн өргөө”-нд  явуулах юм.

Харин үндэсний их баяр наадмын өсвөрийн барилдаанд барилдах 14-15 насны хүүхдүүдийг өнөөдөр буюу долдугаар сарын  8, 9-ний өдөр “Монголын хүүхдийн ордон”-д бүртгэнэ. Бөхчүүд хоёр хувь цээж зураг, даатгалын төлбөр, иргэний болон цолны үнэмлэхээ авчирч, өөрийн биеэр бүртгүүлэх шаардлагатай бөгөөд зарласан хугацаанд бүртгүүлээгүй бөхчүүдийг нэмж бүртгэхгүйг салбар хорооноос анхааруулж байна.

Б.ЭНХ