Английн Лондон хотноо зургаадугаар сарын 23-наас долдугаар сарын 6-ний хооронд "Уимблдон"-ын нээлттэй тэмцээн болж өнгөрлөө. Талбайн теннисний хамгийн нэр хүндтэй тэмцээн болох "Уимблдон"-ы эмэгтэйчүүдэд Чехийн Петра Квитова, эрэгтэйчүүдэд Сербийн Новак Жокович нар түрүүлсэн. 

All England Lawn Tennis-ний төв кортод дэлхийн олон алдартнууд шилдэг теннисчдийн тоглолтыг үзэх гэж ирдэг. Энэ удаагийн тэмцээнийг Английн хунтайж Уильям, хатан Кэтрин Миддлтоны хамтаар хүрэлцэн ирсэн. Тэдний хувьд хэсгийн тоглолтыг үзэж сонирхсон ч өчигдөр болсон эрэгтэйчүүдийн финалын тоглолтыг хүртэл үзжээ. Мөн энэ удаагийн тэмцээнийг АНУ-ын нэрт сагсан бөмбөгч Шакил О'Нил, Английн нэрт хөлбөмбөгч Дэвид Бекхэм зэрэг дэлхийд алдартай одууд хүрэлцэн ирж үзлээ. Ингээд 14 хоног үргэлжилсэн албан бус дэлхий аварга шалгаруулах тэмцээн гэгддэг "Уимблдон"-нд саатсан одуудын фото агшнаас хүргэж байна.

Ч.ШАРХҮҮ