Олон нийтийн сүлжээнд нэгдэгсдийн тоо өдрөөс өдөрт олширч, хүмүүс мэдээллээ солилцох хурд улам өссөөр байна. Эдгээр сүлжээний нэг болох твиттерт дуучин Lady Gaga 10 сая дагалдагчтай болсон анхны хүн болжээ.

Ийнхүү үргэлж өвөрмөц, этгээд дүр төрхийг харуулж байдаг дуучин бүсгүй Твиттерийн сүлжээний хааны титмийг хүртээд байна. Тэрбээр энэхүү амжилттайгаа холбогдуулан фэнүүддээ хандаж “10 сая мангасууд аа. Би чимээгүй байхад, та бүхэн үүнийг чадлаа” гэжээ.

Харин дуучин Britney Spears 7,8 сая, жүжигчин Ashton Kutcher 6,7 сая дагалдагчтайгаар нэгдүгээр байрын төлөө өрсөлдөж байна.