Хуучирсан мэдээ: 2010.04.15-нд нийтлэгдсэн

Гэр бүл салалт

Эрдэмтдийн явуулсан судалгаагаар дахин гэрлэх нь эрчүүдээс илүү эмэгтэйчүүдэд хүндээр тусдаг болох нь тогтоогджээ. Салсан эмэгтэйчүүдийн дотроос хүүхэдгүй нь ихэвчлэн түрүүлж нөхөрт гардаг байна. Гэтэл салсан эмэгтэйчүүдийн дийлэнх нь нэг буюу түүнээс дээш хүүхэдтэй байдаг. Энэ нь гэр бүл салахад хүүхэд илүү хохирдог гэсэн үг. Эцэг эхийн аль нэг нь (голдуу эцэггүй байх) байхгүй амьдрал хүүхдийн хүмүүжил, төлөвшилд сөргөөр нөлөөлдөг гэнэ.

Санал асуулгад оролцсон эмэгтэйчүүдийн 60 гаруй хувь нь хүүхдийнхээ эцэгтэй ямар ч харьцаа холбоогүй байдаг гэнэ. Хүүхдийн тэтгэмжийн мөнгийг банкаар гуйвуулчихдаг тул харьцаа тогтоогоод байх шаардлагагүй гэж дээрх эмэгтэйчүүдийн тал нь үзэж байна.

Эцэг эх нь салж сарнихад хүүхэд хамгийн их хохирдог
-Эцэг эх нь салж сарних явдлыг хүүхдүүд тун эмзэг хүлээн авдаг.
-Хүүхдүүдэд эцэг эхийнх нь хэн нь буруутай нь огт хамаагүй.
-Эцэг эх нь юунаас болж салж сарних болсон нь тэдэнд тийм ч чухал байдаггүй.
-Учир нь хүүхдүүд аав ээж хоёртоо эн тэнцүү хайртай байдаг.
-Архичин нөхрөөс салах нь зөв гэж нийтээрээ хүлээн зөвшөөрдөг. Гэтэл хүүхдүүдэд аав нь архичин ч бай, тамхичин ч бай хамаагүй гэнэ. Тэд эцгийгээ байгаа чигээр нь л хүлээж авч чаддаг байна.
-Өсвөр насны хүүхэд гэр бүл салалтыг дотроо маш эмзэг хүлээн авч шаналдаг.
-Эцэг эх нь салахад хүүхэд хамгийн түрүүнд хичээл сурлагадаа ч мууддаг.
-Нууцлагдмал томчуудын ертөнц дэх учир явдлыг ойлгоогүй хүүхдүүд муу хүмүүстэй үерхэж, буруу замаар ордог.
– Гэртээ хааяа "үзэгддэг" эцгүүд хүүхдийн хүмүүжилд ямар ч нэмэр оруулдаггүй, бас ямар ч анхаарал ч тавьдаггүй байна.
-Эхнэрээсээ салсан хойноо хүүхэдтэйгээ олигтойхон юм хум ч ярилгүй юухан хээхэн өгсөн болоод яваад өгдөг эцгүүд байдаг. Цаг хугацаа өнгөрөх тусам ийм эцэг хүүхдийн хэлхээ холбоо улам бүр унтардаг.
-Эмэгтэйчүүд сэтгэл зүйн хувьд учир дутагдалтай тул салж буй эр нөхөртэйгөө хэвийн харьцаатай үлдэхийг хүсдэггүй.
-Энэ нь хүүхдийн хүмүүжил, сэтгэл санаанд нь муу үр нөлөө үзүүлдэг.
-Эмэгтэйчүүдийн 57.8 хувь нь гэр бүл салахдаа хуучин нөхөртэйгээ дайсагналцсан харьцаатай үлддэг байна.
-Хэрэв гэр бүл салсны дараа ч гэсэн хуучин эр нөхөртэйгөө тайван, хэвийн, найзархаг харьцаа тогтоож чадвал хүүхдийн хүмүүжилд илүү сайнаар нөлөөлдөг.
-Хэрэв эх нь салсан ч гэлээ эцэгтэй нь сайхан харьцдаг, гэр орондоо дуртайяа урьдаг бол хүүхэд эцэг эхийнхээ салж сарнисан энэ үйл явдлыг сэтгэл санааны хувьд арай хөнгөнөөр давдаг байна.

NewsMN Гар утасны хувилбар Татах
NEWS.mn

Мэдээллийн эх сурвалж